Niddanaya – Chandrika Mahagamarachchi

‘ඕවායේ පල්මාණික්කම් බැදෙනවා පොඩි බබා….’ විද්‍යාව  ගැන මෙලෝ හසරක් නොදත් කිරිමැණිකා කීවාය. මෙවන් මොහොතක වුව පාසල්විය  සිහිකරන කුසලාන වලට සෙනෙහසින් මෙන් ඈ ඒවා මත ඇඟිලි වලින් ඉරි ඇන්දාය.යාන්තමට  සෙලවෙනු  මිස ඒවා එකක් හෝ බිම නොවැටුණි …..තම හදවත මෙනි. මේ මොහොතේ එය වූවමනා ප්‍රමාණයට වඩා ස්පන්දනය වන බව ඈ දනී. නමුත් තමා දිනූ කුසලාන  සෙලවීමෙන්  බිම නොවැටී ශක්තිමත්ව රාක්කය මත හිදිනා සේ තම හදවත ද නොසැලී සිටි.

ආදරයේ  වැරදිකරුවෝ ද නිවැරැදිකරුවෝ ද ඔවුහු ම වූහ.  විජිශීෂාව, ඊර්ෂයාව, ද්වේෂය  ඔවුන් දැන දැන සිදුකළ වැරදි දේ නොවීය .ශිෂ්ඨාචාරය ආරම්භය තරම් පැරණි වූ කුල පීඩනයෙන් ඔව්හූ  නෙක  පීඩා වින්දෝය. එසේ නම් වරද කාගේද කොතැනකද ? බුද්ධියෙන් නොනැවතී ප්‍රඥාව තුළිට  මිනිසාට යා  නොහැකිද ?  ‘නිද්දානය‘ තුළ  සැරිසරන්නන් හා එක්ව එය පිරිසිඳ  දැකීමට හැකිදැයි බලන්නට කතුවරිය ඔබට  ආරාධනා කරන්නීය.