Nuwarata Yanakan Reload ? Rupa Shriyani Ekanayake

“අපි සියලු දෙනා ගොගොල් ගේ හිම කබායෙන්  එළියට ආවෙමු” යැයි රුසියානු ලේඛක දොස්තයෙව්සික්  වරක් කීවේය .අපේ පරපුර නියෝජනය කරන බොහෝ ලේඛකයන් ද සහෘදයන් ද සාහිත්‍ය රසය යනු කුමක්දැයි හඳුනන රසවතුන් ද තම රස විඥානය පෝෂණය කර ගත්තේ ද ගොගොල්ගේ හිම කබාය ඇතුළු තවත් බොහෝ රුසියානු කෙටිකතා කියැවීමෙනි. ඒ අපූර්ව වූත්  ප්‍රතිභාපූර්ණ වූත්  ලියැවිලි වලින් අප හදවත් තුළ ජනිත වූ  සාහිත්‍ය රස උල්පත මහා ගංගාවක් බවට පරිවර්තන කළෝ කෙටිකතාව නැමැති කලාංගය  බැති බරින් අප වෙත රැගෙන ආ අපේම ලාංකික ලේඛකයෝ ය. ඒ අසහාය  සාහිත්‍ය කරුවන්ගෙන්  පෝෂණය ලැබූ අප ද ඔවුන්ට උපහාරයක් වශයෙන් කෙටිකතාව නැමැති සාහිත්‍යාංගය වත්මන්  පාඨක ප්‍රජාව අතර  ජනප්‍රිය කිරීමට වෙසෙසින් උත්සාහ කළ යුතුය